To be seen

To be seen (or to be looked at)

Dette prosjektet innanfor maleri handlar om å bli sett eller bli stirra på, og utforskar både personlege minner og større samfunnsutviklingar. Vi ønskjer alle å bli sett og tyr ofte til sosiale medium for å rope etter merksemd. Vi tel «likes» og ser det som ein målestokk på i kva grad vi har blitt sett – eller berre stirra på. Samstundes kjenner mange seg meir einsame enn før, og opplever at dei ikkje blir sett.

Vi mislikar å bli stirra på, men kvar går grensa mellom å bli sett og å bli stirra på? Kva effekt har desse ulike formene for blikkontakt? Og kvifor kan ein person kjenne seg sett medan ein annan føler seg utsett for stirrande auge? Kva rolle speler mottakaren av blikket i denne dynamikken? Kvifor er blikkontakt nokre gonger naturleg og verkar det derimot ubehageleg den neste gongen?

I prosjektveka på Mottaket vil eg bruke rommet til å utforske maleri som ein installasjon – eit maleri som omgir deg, og der du ikkje kan unngå å bli sett på av mange augepar.

Kom gjerne ein tur innom for å sjå korleis det utviklar seg.

Kunstner: Monica Vermeer