Vinterferiedag med smak av arbeid!

Lag og smak ferske fiskekaker i Dybhuset, høyr om eventyrlege hendingar frå fiske i sjøbua frå Larsnes, eller hjelp båtbyggaren å lage klinkbåt i båtstøa. På gardsplassen sagar du strongar og høgg ved saman med oss. Og om kulda bit litt i fingrane kan du varme deg ved bålet på Steinalderholmen.

Inne i museet testar du ut den nye rebusen der du skal klare deg ein stormfull dag på Sunnmøre. Februar er også karnevalstid – hos oss blir du feiande flott med ansiktsmåling! Og, sidan det snart er faste, lag fargerike fastelavnsris!

I museumskafeen får du kjøpt både søte fastelavnsbollar, nysteikte sveler og mykje anna godt.

Vi gler oss til å møte deg!