Har du pelsplagg som ikkje lenger er i bruk?

Vi arbeider med ei spanande utstilling om pelsdyr – ei næring fylt av kontrastar!

Til utstillinga øskjer vi å samle inn pelskåper, jakker, luer og andre pelsplagg frå ulike tidsepokar – gjerne også så seint som frå 80-talet. Ekstra glade blir vi for plagg til herre. Nokre av plagga skal publikum få ta i – og kanskje til og med prøve.

Og her «frir» vi til deg! Har du eit pelsplagg du kunne tenke deg å donere til museet? Kanskje det er produsert lokalt eller har ei spanande historie?

Laurdag 10. januar kl. 12-15 sit vi klare i museumskafeen for å ta i mot deg og ditt plagg. Vi gler oss til å sjå – og høyre historia, over ein kaffitår!

Din donasjon er av stor betydning i forteljinga om denne viktige delen av historia knytt til landbruk, næringsliv, protest, mote og samfunnsdebatt.