Påfyll: Populærvitskapleg matprat på menyen i Ålesund

NÅR?
Dørene opnar den aktuelle kvelden – 19. mars – klokka 18:00. Programmet startar klokka 19:00. Billettar blir lagt ut om kort tid.

TEMA:
Har du tenkt over kva du legg i handlekorga eller kva du åt til frukost laurdag? Har du prøvd nye ingrediensar og matvarer i det siste? Mykje av framtidsmaten er her alt.

Tysdag 19. mars, i foajeen på Parken kulturhus, skal vi snakke om blant anna mat, matproduksjon og forbruksvanane våre. Eit par tips til smarte grep på neste handletur kjem som krydder gjennom samtalane på scena.

Snart skal du få bli kjent med dei tre som skal i samtale i sofaen.

DESSE STÅR BAK:
Påfyll blir til i samarbeidet mellom NTNU, SINTEF, Møreforsking, Helse Møre og Romsdal HF, Atlanterhavsparken og Ålesund kommune. Det er desse som finn forskarar som formidlar innan ulike samfunnsaktuelle tema.

– Universitetet og andre forskingsaktørar har ei viktig oppgåve med å bidra til formidling av kunnskapsutviklinga som vert utført. Vi har eit felles ynskje om å få fram meir av den spennande forskinga som skjer lokalt og vi vil vise fram Ålesund som kunnskapsby , seier viserektor Anne-Lise Sagen Major. Ho er svært glad for den gode mottakinga og dei fine tilbakemeldingane som konseptet har fått.

– Under lanseringa, 5. februar, var temaet kunstig intelligens. Målet er å få til noko varig og planlegginga for det tredje Påfyll den 24. april er alt godt i gang, fortel ho.

KONSEPTET:
Påfyll gir fakta, populærvitskaplege aha-opplevingar, stoltheit og håp i løpet av 90-120 innsiktsfulle kveldsminutt på Parken kulturhus i Ålesund.

Gjennom talkshowformatet får du formidling og diskusjon om eitt aktuelt tema. Du får nærkontakt med dei som kan temaet frå ulike perspektiv, ein programleiar og artistinnslag.

Målet er eit meir opplyst og kunnskapsbasert offentleg ordskifte. Her blir du presentere den spennande forskinga som foregår i regionen og vi viser fram Ålesund som kunnskapsby. Det blir minst tre arrangement i løpet av våren 2024 og fleire til hausten.

SAMARBEIDSPARTNARAR:
NTNU, SINTEF, Møreforskning, Helse Møre og Romsdal HF, Atlanterhavsparken, Ålesund kommune, Framtidslaben, The North West og Parken kulturhus.

SPONSOR: Sparebanken Møre