Kunstutstilling med Pil Ulheim – utstillingsåpning
I april viser vi utstillinga «Krets» på kunstveggen til biblioteket.
Pil Ulheim er ein ung lokal kunstnar som er student på Ytre kunstfagskole i Ålesund. Der har han fått ein arena kor han kan bruke tid og energi på det han verkeleg brenn for. I kunsten sin tek han utgangspunkt i sterke visuelle uttrykk og historieforteljing gjennom bileter. Med hjelp av fleire medium og teknikkar som teikning, akrylmåling og digitale reisskap kjem kunstverka fram.
Av motiv vel han ofte portrett, noko ein får sjå i utstillinga på biblioteket. Utanom det er han også glad i å illustrere dyreliv og botanikk.
Kom og sjå utstillinga i biblioteket si opningstid i april. Gratis og ope for alle.
Velkomen!