Førjulssøndag på Sunnmøre museum
Dypp stearinlys, smak heimelaga krumkaker, goro og nysteikt julebrød. Bak peparkaker og potetkaker, steik eplebåtar, lag julehjarte, julekorger og perlehjarte. Snekre og male småbåt, høyr spanande eventyr og mykje meir!
Torader i Nordvest fyller Yttarlandstova med lystige tonar og vi får besøk av stjernejenter og stjernegutar frå Steinerskulen – med lys og lykter og vakker song. I Åkre bedehus går vi rundt juletreet med song og glade trekkspeltonar.
Ved kyrkjebudene og på Buholmen finn du buder med alt frå kremar og oljar til nålebinding og saueskinn.
Og innimellom kan du ta ein pust i bakken i stemningsfylte Ytterlandstova med ein kopp kaffi, ei lun svele eller ein nysteikt vaffel. I museumkafeen har vi nydeleg rømegraut, smakfulle kjøtpølser frå Hole, heimelaga kaker og sveler, varm kakao og nykverna kaffi frå Jacu.
Velkomen til ein aktivitetsrik og kjekk førjulssøndag for heile familien!
- Billett: https://tikkio.com/tickets/42692-forjulssondag-pa-sunnmore-museum
-
Pris:
Vaksen kr 150
Barn kr 100