Ålesund litteraturfestival 2024: Romsdalsk realisme møter sunnmørsk surrealisme

Marit O Kaldhol debuterte i 1983. Ho skriv lyrikk, noveller, romanar og barnebøker, og er av den sjeldne arten heiltidsforfattar med adresse Ålesund. Men kor godt kjenner ålesundarane til Marit O Kaldhols forfattarskap?

Edvard Hoem debuterte i 1969 og er ein bauta i norsk bokverd. Hoem har fått eit svært stort publikum, særleg gjennom bokserien om slekta i Romsdal som starta med Slåttekar i himmelen i 2015.

Marit O Kaldhol og Edvard Hoem er ulike som forfattarar, men har også mange fellestrekk.

I samtale med Mariann Schjeide fortel Hoem og Kaldhol om eigne forfattarskapar, om kvifor dei skriv, om kva dei vil – og litt om korleis dei les kvarandre?

Arrangementet er heilt GRATIS, og det er ingen billettar.

Kombiner gjerne denne programposten med fleire programpostar som finn stad på Parken kulturhus laurdag 27. januar

Velkommen!