Aktivitetsdag i haustferien på Sunnmøre museum

Prøv deg på potettrykk, løys potet-quiz, bak og smak potetkaker. Høyr eventyr og ta del i teiknekonkurransen vår. Naturvernforbundet blir også med oss denne dagen, med snekring av fuglekasser.

Potetferie! Denne friveka i oktober kjenner vi i dag best som Haustferie; opphavet var at barn og unge skulle ha fri til å hjelpe til under potethausten.

Vi fortset tradisjonen og inviterer til ein kjekk og lærerik aktivitetsdag – med potet som tema.

Hausten er òg tida då trekkfuglane dreg sørover. Men dei kjem tilbake! Då er det ekstra stas å ha ei fuglekasse klar til innflytting!  Naturvernforbundet blir  med oss, med forteljing om dei ulike fuglane – og snekring av fuglekasser.  (Ei fuglekasse pr. familie).

Og du – ruskever er inga hindring. Denne dagen er alle aktivitetane innomhus 😊