Konsert med Lars Øverås

Lars Øverås har i over 40 år spelt i forskjellige band og i lag med fleire kor, korps, revy- og teatergrupper i Ålesundsområdet. Sjølv om det stort sett har vore pop og rock han har spelt, har Lars Øverås alltid hørt mykje på norske visesongarar som Jan Eggum, Stein T. Bjella, Trygve Skaug og Alf Prøysen. Då Ålesund Viseklubb vart starta, blei Lars Øverås med i husorkesteret på Teaterfabrikken. Det var her han for første gang tok steget frå å stå bak på scena og spele bass, til å stå framme å synge og spele gitar. Først andre sine viser, etter kvart eigne viser. Lars Øverås gav ut sitt første album hausten 2023. Albumet «Berre du og eg» består av ti viser med tekster på nynorsk. Songane handler om relasjoner mellom mennesker, vaksen kjærleik og levd liv. På konserten vil han spele både songar frå plata og nye viser som enno ikkje er utgjevne.