BEGIN:VCALENDAR
VERSION:2.0
METHOD:PUBLISH
CALSCALE:GREGORIAN
PRODID:-//WordPress - MECv7.12.1//EN
X-ORIGINAL-URL:https://bypatrioten.com/
X-WR-CALNAME:Bypatrioten
X-WR-CALDESC:For en bedre by
REFRESH-INTERVAL;VALUE=DURATION:PT1H
X-PUBLISHED-TTL:PT1H
X-MS-OLK-FORCEINSPECTOROPEN:TRUE
BEGIN:VEVENT
CLASS:PUBLIC
UID:MEC-561e7e7d74cece738de9b23c0dd293d2@bypatrioten.com
DTSTART:20230831T184500Z
DTEND:20230831T200000Z
DTSTAMP:20230612T143500Z
RDATE;VALUE=PERIOD:20230831T184500Z/20230831T200000Z,20230901T184500Z/20230901T200000Z,20230902T184500Z/20230902T200000Z,20230903T184500Z/20230903T200000Z
CREATED:20230612
LAST-MODIFIED:20230729
PRIORITY:5
SEQUENCE:4
TRANSP:OPAQUE
SUMMARY:Fjord Cadenza 2023: Bruvandring med lysshow og videokunst
DESCRIPTION:\n\n\nI samband med 30-årsjubileet til Fjord Cadenza, planlegg vi ei større jubileumsmarkering rundt dei 100 år gamle Skodjebruene. Teater, lys- og videokunst, og konsertar i friluftsområdet rundt bruene skal danne grunnlaget for ei interaktiv historisk vandring som skal fortelje historia til regionen, bruene og festivalen.\nBruene utgjer sjølve identiteta til bygda der festivalen har sine røter. Symbolikken med brubygging har vore ein sentral faktor i Fjord Cadenza sin vekst og har fungert som ein identitetsberar for festivalen, som vart skapt med tanken om å samle det internasjonale musikklivet og den lokale dugnadsånda. Målet var å skape store klassiske musikkopplevingar i uvanlege omgjevnader.\nFramsyninga og bruvandringa skal fortelje historia om brubygginga som har funne stad i Skodje – dette inkluderer både sjølve bygginga og betydinga dei har hatt for busetjinga på Skodje. Det handlar óg om korleis Fjord Cadenza har bygd bruer mellom det internasjonale musikklivet og den lokale dugnadsånda, og korleis musikk og kultur kan knytte saman eit lokalsamfunn.\n\n\n\n\n\n\n“Fokus skal vere på viktigheita av samhald, dugnadsånd, openheit og lagarbeid – både som eit innblikk i regionen si fortid og som ein peikepinn på kva som er viktig å ta vare på.”\n\n\n\n\n\n\nGjennom bruk av lyskunst, koreografi, historisk videomateriale, minikonsertar og teater skal vi fortelje historier frå Skodje. Markeringa vil gå fire kveldar på rad i festivalperioden frå 31. august til 3. september.\nMaiken Rye og Kyrre Heldal Karlsen vil vere kuratorar og ha regi, i samarbeid med Fjord Cadenza og Skodje Sogelag. Karlsen har allereie starta eit forprosjekt saman med festivalen, der han har samla relevant materiale og testa fleire lokasjonar for lys- og videokunst. Markeringa vil finne stad i området rundt dei gamle bruene, som sidan 2015 har vore eit friluftsområde forvalta av fylkeskommunen.\nMarkeringa blir sjølve ryggrada i Fjord Cadenza 2023, og det blir vår måte å feire 30 år som festival og bruene sitt 100-års jubileum i 2022. I tillegg til markeringa vil det vere konsertar i nærområdet gjennom heile perioden, og alt anna som festivalen gjennomfører vil bygge rundt markeringa.\n\n\n\n
URL:https://bypatrioten.com/event/fjord-cadenza-2023-bruvandring-med-lysshow-og-videokunst/
ORGANIZER;CN=Fjord Cadenza:MAILTO:post@fjordcadenza.com
CATEGORIES:Barn,Familie,Festival,Kultur,Kunst,Musikk,Senior,Student,Teater,Ungdom,Voksen
LOCATION:6260 Skodje
END:VEVENT
END:VCALENDAR